Votre Nom de domaine en .corsica | Dot Corsica, site officiel de la Collectivité Territoriale de Corse

L'estensione internet corsu




L'estensione internet corsu

U storicu

A pulitica d’acconciu numericu di a Corsica face parte propiu di e missione di a Cullettività Territuriale di Corsica.
Da u 2005, aduttava a so pulitica è a so strategia in quantu à i nomi di duminiu da pudè accertà una visibilità pudente di a Corsica à livellu di l’internet mundiale.

U 24 di ghjugnu di u 2011, l’Assemblea di Corsica appruvava a dimarchja d’ottenimentu è di sfruttu di u nome di duminiu .corsica cun deliberazione AC 11/147 è mettia cusì in anda una dimarchja da pudè tene è sfruttà un’estensione internet di primu livellu : u .corsica.

Issa dimarchja hè sbuccata u 25 di settembre di u 2014 cù u Cuntrattu firmatu trà l’Urganizazione mundiale in carica di a guvernanza di l’internet, l’ICANN, è a Cullettività Territuriale di Corsica chì auturizeghja quessa custindi à sfruttà u spaziu di numinamentu (TLD) .corsica. 

Missione è ogettivi di u .corsica

U TLD .corsica hè un’estensione Internet di primu livellu cumunutariu chì s’indirizza: 
  • à a pupulazione di a Corsica,
  • à l’imprese corse chì anu una sede suciale o un stabilimentu secundariu nantu à u territoriu isulanu,
  • à a cumunutà più larga di e persone fisiche, in qualsiasi locu è chì anu una leia diretta o indiretta cù a Corsica, a so pupulazione, a so cultura, u so patrimoniu o a so lingua, in particulare a diaspora di i Corsi pè u mondu sanu.
 
 
A missione di u .corsica hè di prupone un spaziu di numinamentu attu à rinfurzà a cunfidenza di l’utenti d'Internet è di assicurà u territoriu di marche di a Corsica ind’è l’ambiente numericu.

L’ogettivi di l’estensione internet .corsica sò:
  • Porghje à i Corsi mezi marketing novi d'identificazione, lucalizazione, prumuzione è di differenziazione di e so attività via internet cù un’estensione Internet di primu livellu sputicamente dedicata à a Corsica è chì purtessi sensu è valori.
  • Cumunicà in .corsica, vole dì differenzià si, accertà i so valori è a so lucalizazione in u so cutidianu è a so identità numerica. Hè dinù valurizà a qualità è l’integrità di i so prudotti o di a so attività, cù un caratteru di lucalizazione, fiabilità, cunfidenza è securità di pettu à l’altri duminii.
  • Prumove u sviluppu di servizii di currieru elettronicu in u TLD .corsica.
  • Accresce a visibilità è a prumuzione di a Regione Corsica è tuttu ciò ch’ella hà da offre in termini culturali ed ecunomichi via l'Internet.
  • Risponde à a brama di u publicu di creà un riferenziale di u patrimoniu culturale immateriale di a Corsica  nant’à Internet.
  • Cuntinuà è rinfurzà a strategia numerica pluriannuale di la regione di Corsica

Ottobre di u 2015 : u lancià

À u lancià di l’estensione .corsica, a Cullettività Territuriale di Corsica a so parte sarà a gestione amministrativa è tecnica di l’estensione .corsica : ne diventa u Registru è fissa u calendariu di u lancià, e tariffe praticate di pettu à i Registrars (i scagni d'arrigistramentu) è e cundizione di riservazione.

Da accumpagnà la in u lancià uperaziunale di l’estensione internet .corsica, a CTC s'arremba nant’à dui imprese quantu à l’aspetti tecnichi.

A cumercializazione di i nomi di duminiu di pettu à l’imprese, amministrazione è particulari, l’assicuranu i Registrars (vede quì u listinu di i Registrars).

Un primu lancià tecnicu hà da cumincià d’Agostu di u 2015 pè un periudu dettu di "Sunrise" permettendu à e marche scritte in a Trademark Clearinghouse (TMCH) di riservà in priurità u nome di duminiu .corsica chì currispondi cù a so marca.

U lancià officiale di u .corsica si farà d’Ottobre di u 2015 è sarà apertu in un primu tempu à l’Amministrazione, l’Associi è à i Titulari di marche in Corse chì cusì anu da pudè dispone d'una priurità d'arrigistramentu.

Per finisce, l’apertura Generale di Ghjennaghju di u 2016 permetterà à tutti, particulari, imprese, associi, urganizazione, d'ottene un nome di duminiu in.corsica secondu a regula di « à chì ghjunghje u primu hè servutu u primu ». Cunsultate u calendariu officiale di lancià di u .corsica da avè di più infurmazione in quantu à e date è e cundizione di riservazione.

Cunsultate u calendariu di u lancià è i criterii d’eligibilità.


Suivez-nous
Facebook
Twitter
LinkedIn
Inscription à la newsletter