Votre Nom de domaine en .corsica | Dot Corsica, site officiel de la Collectivité Territoriale de Corse

Quale pò ottene un indirizzu web in .corsica ?




Quale pò ottene un indirizzu web in .corsica ?

Criterii d’eligibilità

Qualsiasi persona fisica o murale pò arrigistrà (o rinnuvellà) un nome di duminiu in .corsica s’ellu risponde almenu à unu trà i criterii allistinati quì sottu :
 
  • Urganizazione corse Un’Impresa chì hà a so sede suciale in Corsica o un’Impresa chì hà a so sede suciale fora di Corsica ma un stabilimentu secundariu arrigistratu in Corsica,
  • Residente in Corsica : U dumanditore pò esse una persona fisica chì hà un indirizzu validu nantu à u territoriu di a Corsica.
  • Diaspora è Leia culturale, famigliale o identitaria cù a Corsica : Qualsiasi persona fisica chì hà è deverà ghjustificà di una leia diretta o indiretta (ecunomica, suciale, culturale, famigliale, storica o altra) incù a Corsica.
In cumplementu di i criterii detti più insù, u Registrante (titulare) d’un nome di duminiu in .corsica averà ubligazione, à casu ch’ellu crei un situ internet, di creà è di mantene in lingua corsa omancu una pagina di u so situ internet in .corsica. Issa pagina in lingua corsa ci vulerà ch’ella sia riferenzata in a so pagina d’accolta è publicata à u più tardi trè mesi dopu publicatu u situ internet.

U calendariu di u lancià di u .corsica prevede un periudu d'arrigistramentu priuritariu per certi titulari di dirittu.

Priurità 1 : Periudu Sunrise pè e marche TMCH

Da u 3 d’agostu à u 6 d’ottobre di u 2015

Issa fasa tecnica hè distinata à e marche scritte in a Trademark Clearinghouse (TMCH).

Issa fasa intituata "Periudu Sunrise" permette d'evità l'arrigistramentu ch’omu pò fà di froda cuncernendu u nome di duminiu chì currisponde cun marche depusitate ("cybersquatting"). Da sapè e mudalità è i ghjustificativi accettati, pigliate cuntattu cù u vostru Registrar.

Priurità 2 : Periudu d’Arrigistramentu Limitatu (LRP) à l’Amministrazione publiche è associi

Da l’ 8 d’ottobre à u 25 di nuvembre di u 2015

Issu periudu hè apertu :
  • à l’amministrazione publiche: cumune, cumunutà di cumune, cumunutà d’agglumerazione, EPCI, auturità internaziunale, naziunale, regiunale, lucale è municipale, è dinù i servizii guvernamentali; l’urganisimi publichi o l’entità di dirittu francese (agenze, cunsorzii, cumissione è altri servizii amministrativi) di a Regione Corsica, o cumpetenti drentu à quessa.
  • à l’associi lege 1901 stabiliti in Corsica.
I ghjustificativi accettati per l’amministrazione publiche sò questi quì :
  • Copia di ducumentu INSEE o Copia di u Ghjurnale Officiale di a Republica Francese
  • Currieru officiale di l’amministrazione publica firmatu da  l’autorità auturizata (merrre, Presidente, è cet).
I ghjustificativi accettati per l’associi sò questi quì :
  • Una copia di a publicazione à u Ghjurnale Officiale di a Republica Francese

Priurità 3 : Periudu d’Arrigistramentu Limitatu (LRP) à l’altre marche, indicazione geografiche, denuminazione suciale

Da l’ 8 d’ottobre à u 25 di nuvembre di u 2015

Sò eligibili à l’arrigistramentu d’un nome di duminiu in .corsica tutte l’altre marche chì ùn sò micca scritte à a TMCH.

Sò cuncernate :
  • e marche chì usanu in Francia :
    • marche francese depusitate pressu l’INPI
    • marche cumunutarie di l’UE depusitate pressu l’OHIM
    • marche internaziunale WIPO chì usanu in Francia è l’insegnanu ;
  • l’indicazione geografiche è appellazione d'origine cuperte da una prutezzione è ricunnisciute da trattati internaziunali, regulamenti internaziunali è/o a legislazione francese
  • denuminazione suciale, nome cumerciale, insegnu, sigla di sucetà, per l’urganizazione situate in Corsica.
I ghjustificativi accettati per l’altre marche, indicazione geografiche , denuminazione suciale sò questi quì: copia di u certificatu di depositu di a marca, o una copia d'un attu ghjuridicu, d'un decretu o d’una  decisione d'un’auturità officiale cumpetente dendu una prutezzione à un nome specificu, cum’è un’indicazione geografica o un’ appellazione d'origine o una  copia di u certificatu d'arrigistramentu di l'impresa : Kbis o avisu di situazione INSEE. 

Priurità 4 : Periudu Landrush

Da u 30 di nuvembre di u  2015 à u 15 di ghjennaghju di u 2016

Issu periudu di landrush hè apertu à tutti i dumanditori eligibili è ch’ùn sò pussuti entre ind’è unu di i periudi d’arrigistramentu priuritariu precedenti.

Issu periudu sarà effettivu da a data insignata in u calendariu di lancià chì hà da esse palisatu frà pocu.

Tutti i nomi di duminiu sempre dispunibili à l’arrigistramentu (è chì ùn sò scritti nant’à i listini di Nomi riservati) puderanu esse arrigistrati da u dumanditore.

Per l’arrigistramentu di u nome di duminiu ùn sarà riquistu nisun ghjustificativu nè certificatu a priori da u dumanditore. Ma quessu ci vulerà ch’ellu si assicurghi ch’ellu rispetta i criterii specificati in a pulitica d’Arrigistramentu. 

Periudu Apertura Generale

À parte si da u19 di ghjennaghju di u 2016

Ogni dumanditore chì risponde à i criterii specificati in a pulitica d’Arrigistramentu. puderà arrigistrà un nome di duminiu sempre dispunibile à l’arrigistramentu.

Da sapè ne di più : Cuntattate unu trà i nostri esperti da depusità i vostri  nomi di duminiu in .corsica.


Suivez-nous
Facebook
Twitter
LinkedIn
Inscription à la newsletter